User:Vorziblix/Pseudo-Epiphanius - Old Slavonic Homily on the Burial of the Divine Body

From Wiktionary, the free dictionary
Jump to navigation Jump to search

For use in Wiktionary quotations/attestations of Old Church Slavonic. This is an edition of Pseudo-Epiphanius’s Homily on the Burial of the Divine Body, as found in the Old Slavonic version in the Codex Suprasliensis.

The raw text is based on the Corpus Cyrillo-Methodianum Helsingiense, modified with reference to facsimiles of the original codex. The English translation is my own, and made from the Slavonic rather than the original Greek. Since this translation is made for use in Wiktionary quotations, it errs more on the side of being literal than literary.

The line breaks here are made for convenience. Titlos covering a word are marked on the first letter of the word in the transcription; supralineal letters are represented as letters with titlos in any position except the start of a word.

Text[edit]

[… many sentences skipped for now …]

(incomplete)

Complete Old Slavonic transcription[edit]

Old Slavonic transcription

слово с꙯тааго е҅пифаниꙗ а҅рхие҅пискоупа купрь-
ска · о҅ погребении҆ тѣлес꙯ г꙯и нашего їсоу х꙯а · ї ѡ̑ їѡ̑сифѣ
и҅же о҅тъ а҅римаѳеѧ · и҅ о҅ никодимѣ и҅ о҅ сь҆нитии г꙯и нашего꙯ ·
гробь҆нѣꙗмь҆ · по [съпа]съпась҆нѣи҆ мѫцѣ дивъно бꙑвъшоу ⁘
Что се дьнь҆сь мльчаниѥ много на ꙁеми · чꙿто се
мльчаниѥ много · и҅ неплиштеваниѥ много꙯ ·
млъчаниѥ҆ много · ꙗ҅ко цѣсаръ съпитъ · ꙁе-
мь҆ꙗ о̑убоꙗ҅ сꙙ и҅ о̑умльча · ꙗ҅ко богъ пльтиѭ̑ о̑у-
сь҆пе · богъ пль҆тиѭ̑ и҅ о̑усь҆пе · и҅ а҅дъ въстрепета ·
богъ въ малѣ о̑усьпе · и҅ съпꙙштꙙѧ о҅тъ вѣка
о҅тъ а҅да въскрѣси · къде нꙑнꙗ сѫтъ вь҆черашꙿ-
н҄ꙙѧ мль҆вꙑ и҅ гласи и҅ говори · бꙑваѭ̑штии҆
на х꙯а о҅тъ ꙁаконопрѣстѫпникъ · кде народи
и҅ чини · и҅ о҅рѫжиꙗ и҅ жрь҆ди · кꙿде цѣсаре и҅ їе҅реи҆ ·
и҅ сѫдиѧ҆ о҅сѫжденꙑѧ҆ · кде свѣштꙙ и҅ мечи ·
и҅ говори бештисль҆нии҆ · кде людиѥ и҅ гнѣва-
ниꙗ · и҅ трѫтъ неправь҆дънꙑи · въ и҅стинѫ
о̑убо ꙁѣло · въ и҅стинѫ людиѥ҆ поо̑учишꙙ сꙙ тъ-
штетънꙑи҅мъ · и҅ беꙁоумънꙑи҅мъ потъ-
кнѫшꙙ сꙙ въ ѫ҅гъль҆нъи о҅ камень҆ х꙯са · и҅ са-
ми съкроушишꙙ сꙙ · привръгошꙙ сꙙ въ тврь-
дꙑи камень҆ · нъ вь҆ пѣнꙑ вль҆нꙑ и҅хъ раꙁи-
дошꙙ сꙙ · потъкошꙙ сꙙ о҅ наковальнѣ непо-
бѣдимѣмъ · нъ сами сътърени бꙑшꙙ · вь҆-
ꙁнесошꙙ на дрѣво камень · и҅ съшъдъ о̑умрь҆-
тви ѧ҆ · съвꙙꙁашꙙ великааго саѱ҄ѡна сль҆нь҆-
ца х꙯а · нъ раꙁдроушъ вѣчь҆нꙑѧ ѫ҅ꙁꙑ · и҅нопле-
менникꙑ · и҅ ꙁаконопрѣстѫпꙿникꙑ погоу-
би · ꙁаи҅де богъ сль҆нь҆це подъ ꙁемь҆ѭ̑ · и҅ тъмѫ
прѣмрачь҆нѫ и҅ю̑деѡ̑мъ сътвори · дьнесь҆ съ-
пасениѥ҆ сѫштии҅мъ на ꙁеми · и҅ о҅тъ вѣка по-
дъ ꙁемь҆ѭ̑ сѫштии҅мъ · дьнесь съпасениѥ
вь҆семоу мироу · ѥ҅лико видимъ и҅ ѥ҅лико не ви-
димъ Соугоубь҆ дь҆несь҆ пришь҆ствиѥ госпо-
дьн҄е · соугоубь҆ съмотрениѥ · соугоубь чло-
вѣколюбиѥ · соугоубь҆ сьнитиѥ · въкоупѣ
же сь҆мѣрениѥ · соугоубо къ чловѣкомъ по-
сѣштениѥ · о҅тъ небесе на ꙁемь҆ѭ̑ · о҅тъ ꙁемь҆ѧ
подъ ꙁемь҆ѭ̑ богъ приходитъ · врата а҅дова
о҅твръꙁаѭ̑тъ сꙙ · съпꙙштии҆ о҅тъ вѣка радоу-
и҅те сꙙ · сѣдꙙштии҆ вь҆ ть҆мѣ и҅ вь҆ сѣни сь҆мрь҆-
ть҆нѣ великꙑи свѣтъ прии҅мѣте · съ робꙑ го-
сподь҆ · съ мрь҆твꙑи҅ми богъ · съ о̑умъръшии҅-
ми животъ · съ повинънꙑи҅ми неповинънъи ·
съ сѫштии҅ми въ ть҆мѣ не мрь҆чꙙи҆ свѣтъ ·
съ плѣнь҆никꙑ свободител҄ь · съ прѣи҅сподь҆-
н҄ии҅ми прѣвꙑшьн҄ии небесъ · х꙯с на ꙁеми вѣ-
ровахомъ · х꙯с въ мрътвꙑи҅хъ с н҄имъ сь҆нидѣ-
мъ · Да о̑увѣмъ таи҅нꙑѧ ѧ҅же тоу · да раꙁоу-
мѣѥ҅мъ б꙯жиѭ̑ таи҅нѫ · таи҅на подъ ꙁемь҆ѭ̑ чꙋ-
деса · да о̑увѣмъ како и҅ сѫштии҅мъ въ а҅дѣ про-
свѣтилъ ѥ҅стъ проповѣдь҆ · чꙿто о̑убо вь҆сꙙ ли
прѣпрость҆ съпасаѥ҅тъ · ꙗ҅вивъ сꙙ въ а҅дѣ богꙿ ·
ни нъ и҅ тоу вѣроуѭ̑штѧѧ · въчера съмотрь҆-
ливънаꙗ творꙙ · а҅ дь҆несь҆ владꙑчь҆скаꙗ · вь҆-
чера пль҆ть҆скаꙗ · а҅ дь҆несь҆ господь҆скаꙗ҆ дѣѧ ·
вь҆чера чловѣчь҆скаꙗ҆ · а҅ дьнесь божъствънаꙗ
ꙗ҅вь҆ꙗ҅ѥ҅тъ · въчера ꙁа о̑ухо о̑ударенъ бꙑваа҅ше ·
дьнесь҆ же бль҆штании҅мъ б꙯жиѥ҅мъ · а҅довъско-
ѥ жилиште бь҆ѥ҅тъ · въчера съвꙙꙁанъ бꙑваа҅-
ше · дь҆несь҆ нераꙁдрѣшь҆нами ѫ҅ꙁами сь҆вꙙꙁаꙿ-
тъ мѫчителꙙ · въчера о҅сѫжденъ бꙑваа҅ше ·
дь҆несь҆ о҅сѫжденꙑи҅мъ свободѫ дароуѥ҅тъ ·
въчера слоугꙑ пилатовꙑ рѫгаахѫ сꙙ ѥ҅моу · дь҆нь҆-
сь врать҆ници адовьнии видѣвъше и҅штеꙁо-
шꙙ · нъ о̑убо слꙑши о҅ христовь҆нѣи҅ мѫцѣ · вꙑ-
шьн҄еѥ слово · слꙑши и҅ въспои҆ · слꙑши и҅ про-
слави · слꙑши и҅ проповѣждъ б꙯жиꙗ҅ чоудеса
великаꙗ · како ꙁаконъ о҅стѫпаѥтъ · како бла-
годѣть процвитаѥ҅тъ · како о҅браꙁи мимо-
ходꙙтъ · како и҅стина проповѣдаѥ҅тъ сꙙ · како
сѣнь҆ мимоходитъ · како сль҆нь҆це вь҆сел҄енѫѭ̑
и҅спльнꙗѥ҅тъ · како ветъхꙑи҆ ꙁаконъ о҅бетъ-
ша · како же новꙑи и҅ꙁвѣштаѥ҅тъ сꙙ · како
древь҆нꙗꙗ прѣи҅дошꙙ · како новаа процвъ-
тошꙙ · двои҆ людиѥ вь҆ сиѡ̑нѣ · въ хръстовь҆-
нѣи мѫцѣ · въ врѣмꙙ придошꙙ е҅вреи҅стии҆ ·
коупно же и҅ погань҆стии҆ · два цѣсара пилатꙿ
и҅ їр҄ѡдъ · два и҅ѥ҅реа · а҅нна и҅ каи҅ꙗ҅фа · да о҅бѣ
пастѣ въкоупѣ бѫдете · о҅ва прѣстаѭ̑шти
а҅ христовънаа начинаѭ̑шти · двѣ жрьтвѣ
въ тъ вечеръ даꙗ҅шете сꙙ · пон҄еже съпасени-
ѥ҅ глагол҄ѫ живꙑи҅мъ и҅ мрьтвꙑи҅мъ бꙑваꙿ-
ше · и҅ю̑деи҅ же съвꙙꙁаѭ̑ште а҅гньца ꙁакалаꙿ-
хѫ · а҅ и҅же о҅тъ поганъ въ пльть҆ бога · и҅ о҅ви
вь҆ сѣнь҆ вь҆ꙁираа҅хѫ · о҅ви же къ сльнь҆цоу и҅ бо-
гоу притѣкаахѫ · и҅ о҅ви съвꙙꙁавъше христа
о҅тъсꙑлаа҅хѫ · а҅ и҅же о҅тъ поганъ и҅нодоушь҆-
но ѥ҅го прии҅маа҅хѫ · нъ и҅ю̑деи и҅схождение ·
ѥ҅же о҅тъ е҅гупта помь҆нѣа҅хѫ · а҅ и҅же о҅тъ по-
ганъ и҅ꙁбавь҆ѥ҅ниѥ҆ · и҅же о҅тъ ль҆сти проповѣ-
даа҅хѫ · и҅ се кде вь҆ сиѡ̑новѣ градѣ · цѣсара
великаа҅го вь҆ н҄емже и҅ твори сь҆пасениѥ по-
срѣдѣ ꙁемь҆ѧ · посрѣдѣ дъвою̑ животъноу
поꙁнанъ бꙑвъ · їсоусъ божии сꙑнъ · посрѣ-
дѣ о҅ть҆ца и доуха · о҅бою̑ животоу животъ о҅тъ
живота · и҅стинънꙑи животъ ꙗ҅вь҆ꙗ҅ѧ сꙙ ·
и҅ посрѣдѣ а҅гг҄елъ · и҅ чловѣкъ · въ ꙗ҅слехъ ра-
ждаѧ҅ сꙙ · посрѣдѣ дъвою̑и҅хъ людии҆ · каме-
нь҆ ѫ҅гъль҆нъ лежꙙ · и҅ междоу ꙁакономъ и҅ про꙯-
рокꙑ · въкоупѣ проповѣдаѥ҅мъ · и посрѣдѣ
мосеа и҅ и҅лиѧ · въ горѣ ꙗ҅вь҆ꙗ҅ѧ҅ сꙙ · и҅ междоу о҅-
бѣма раꙁбои҅никома богъ · раꙁоумь҆ноуо̑у-
моу раꙁбои҅никоу ꙗ҅вь҆ꙗ҅ѧ҅ сꙙ · и҅ посрѣдѣ на-
стоѧ҅штꙙѧ жиꙁни и҅ грꙙдѫштѧѧ҆ · сѫдиі꙯̈ вѣ-
чънꙑи҆ сѣдꙙ и҆ дь҆несь҆ посрѣдѣ живꙑи҅хъ
и҅ мрь҆твꙑи҅хъ ꙗ҅вьꙗ҅ѧ҅ сꙙ · соугоубѫ пакꙑ си-
лѫ жиꙁни · соугоубѫбо родь҆ствоу въкоупѣ
и҅ породь҆ствоу · и҅ слꙑша въ рѣчи · соугоуборо-
дьствоу вешти · и҅ въсплешти чоудеса · а҅гг҄е-
лъ марии҆ матери христосовѣ · родь҆ство ѥго꙯
благовѣствова а҅гг҄елъ · марии магдалꙑн҄и ·
порождениѥ҅ ѥ҅го ѥ҅же о҅тъ гроба благовѣсть-
ствова · ноштиѭ̑ х꙯с въ виѳлее҅ми раждаѥ҅тъ
сꙙ · врътъпъ и҅с камене · и҅деже х꙯с роди сꙙ ·
врътъпъ и҅с камене · и҅деже х꙯с пораждаѥ҅тъ
сꙙ пеленꙑ въ родь҆ство приѥ҅мъѥ҅тъ · пеле-
нами и҅ сь҆де повиваѥ҅тъ сꙙ · ꙁмурнѫ рождъ
сꙙ приѧ҅тъ · ꙁмурнѫ и҅ въ погребениѥ҆ · и҅ а҅лꙿгꙋ-
и҅ приѥ҅мь҆ѥ҅тъ · тоу їѡ̑сифъ беꙁмѫжънъи
мѫжъ марии҅нъ · сь҆де їѡ̑сифъ и҅же о҅тъ а҅рима-
ѳеѧ · въ виѳлее҅мѣ въ ꙗ҅слехъ родьство · нъ
и҅ въ гробѣ ꙗ҅ко и҅ въ ꙗ҅слехъ мѣсто · прьвии ·
пастоуси · хръстосово благовѣсть҆ствоуѭ̑тъ ро-
дь҆ство · нъ и҅ пръвии вь҆сѣмъ пастоуси христо-
сови о̑ученици благовѣствовашꙙ · христосо꙯-
воѥ иꙁ мрътвꙑи҅хъ порождениѥ · тоу радоу-
и҅ сꙙ а҅гг҄елъ дѣвѣи вь҆ꙁьпи · и҅ сьде радоуи҅те
сꙙ велика сь҆вѣта а҅гг҄елъ · х꙯с женамъ въпиꙗ҅-
ше · въ прьвоѥ родь҆ство · х꙯с по трехъ десꙙтехъ
дь҆нь · вьниде въ ꙁемънꙑи їе҅роусалимъ въ
црь҆къве · и҅ принесе ꙗ҅ко прь҆вѣнь҆цъ · два гръ-
личишта богови · съ і въ погребениѥ ѥ҅го же
о҅тъ мрь҆твꙑи҅хъ · х꙯с по четꙑрехъ десꙙтехъ дь-
нии҆ вь҆ꙁиде въ вꙑшь҆н҄иї и҅е҅роусалимъ · ѭ̑доу-
же не раꙁлѫчи сꙙ въ и҅стинънаꙗ с꙯таꙗ с꙯тꙑмъ ·
ꙗ҅ко прь҆вѣнець неи҅сть҆лѣнь҆нъ и҅ꙁ мрътвꙑи҅-
хъ · и҅ приносꙙ богови и҅ о҅ть҆цоу два гръличишт꙯а ·
доушѫ и҅ пль҆ть҆ нашѫ · ѥ҅гоже и҅ приѧтъ · ꙗ҅ко
сумеѡн◌҄ъ е҅теръ · ветъхъи дьнемъ богъ · ꙗ҅ко
въ рѫцѣ свои въ своꙗ ꙗ҅дра · а҅ште ли вѣть҆скꙑ
ѧ а҅ не вѣрно слꙑшиши · о҅бличаѭ̑тъ тꙙ не-
движимии печате · господь҆скааго погребе-
ниꙗ христосова гроба · ꙗ҅коже бо ꙁнаменаномꙿ
печатьмь · дѣвь҆ствьнꙑи҅мъ ꙁатвореномъ ·
х꙯с о҅тъ дѣвꙑ роди сꙙ · тако не о҅твръстомъ сѫште-
мъ · гробь҆нꙑи҅мъ печать҆мь҆ · х꙯сово порождение҆
бꙑстъ · како же въ гробѣ и҅нъгда · и҅ о҅тъ кꙑи҅хъ
х꙯с жиꙁнь полагаѥ҅тъ сꙙ · с꙯тꙑи҅хъ словесъ да
слꙑшимъ · поꙁдѣ же бꙑвъши рече · приде чло꙯-
вѣкъ богатъ и҅менемь їѡ̑сифъ · сь дръꙁнѫвъ
вь҆ниде къ пилатоу · и҅ проси тѣла и҅соусова · вь҆-
ниде чловѣкъ къ чловѣкоу · просꙙ приѧти бога
чловѣкомъ · прошааше брьниѥ о̑у брь҆ниꙗ при-
ѧти ꙁиждителꙗ вь҆сѣмъ · сѣно о҅тъ сѣна при-
ѧ҅ти г҄ео҅нъскаа҅го о҅гн҄и % капь҆ꙗ мала · о҅тъ ка-
пь҆ѧ приѧти беꙁдънѫ · кто видѣ и҅ли кто
слꙑша къде чловѣка чловѣкови творь҆ца чло꙯-
вѣкомъ даѭ̑шта · беꙁаконꙿникъ правь҆дь҆-
ника · и҅ творь҆ца ꙁакономъ о҅бѣштаваѥ҅тъ сꙙ
дати · сѫдии о҅сѫжденъ · ꙗ҅ко и҅ о҅сѫждена сѫди-
ѭ̑ сѫдиꙗ҅мъ въ погребениѥ даѥ҅тъ · поꙁдѣ
бꙑвъшоу приде чловѣкъ · и҅менемъ їѡ̑сифꙿ ·
въ и҅стинѫ богатъ · ꙗ҅ко вь҆се съложеноѥ тѣло
господь҆н҄е прии҅мъ · въ и҅стинѫ богатъ ꙗ҅ко
соугоубоуѧ · о҅сиѭ̑ х꙯совѫ о҅тъ пилата приѧтъ ·
и҅ богатъ ꙗ҅ко бесцѣннаа҅го бисъра · достои҅нъ
бꙑстъ приѧ҅ти · въ и҅стинѫ богатъ вълагали-
ште бо понесе · пль҆но божь҆ствь҆нааго богать҆-
ства · како бо не богатъ вь҆семоу мироу жиꙁнь ·
съпасъноѥ сътꙙжавъ · како не богатъ їѡ̑сифꙿ
даръ прии҅мъ · питаѭ̑штааго вь҆сꙙ и҅ вь҆сѣми
о҅бладаѭ̑штаа҅го · поꙁдѣ бꙑвъшоу · бѣ бо о̑у-
бо ꙁашъло въ а҅дъ правь҆дноѥ҅ сль҆нь҆це · тѣмже
приде чловѣкъ богатъ и҅менемь҆ їѡ̑сифъ · о҅тъ
а҅римаѳеѧ и҅же бѣ крꙑѧ҅ сꙙ · страха ради їю̑деи҅-
ска · приде же и҅ никодимъ · пришъдъи къ їсоу-
сови ноштиѭ̑ · таи҅нꙑ таи҅намъ потаѥнꙑ ·
дъва потаѥна о̑ученика · съкрꙑтъ їсоуса въ
гробѣ грꙙдета · съкръвенѫѭ̑ въ а҅дѣ тѣснѫ ·
потаѥ҅ноуоумоу въ пльти богоу · свои҅мъ въскрꙿ-
сениимъ о̑учꙙшта · дроугъ же дроуга прѣспѣ-
ваѧ въ божиѭ̑ любь҆ве · никодимъ бо въ ꙁмурꙿнѫ
и҅ а҅л[г]оуи штедръ · а҅ їѡ̑сифъ въ дръꙁновениѥ ѥ҅-
же къ пилатоу похвальнъ · съ бо вь҆сакъ страхꙿ
о҅тъвръгъ · дръꙁноувъ вь҆ниде къ пилатоу ·
просꙙ тѣла їсоусова · и҅ въшъдъ прѣмѫдро о҅ть-
нѫдь начꙙтъ · да вь҆ꙁлюбь҆ѥ҅нꙑѧ мꙑсли не по꙯-
грѣшитъ · тѣмже не начинаѥ҅тъ великꙑи҅ми
рѣчь҆ми нѣкꙑи҅ми къ пилатоу · да не вь҆ сего
раꙁдражъ о҅тъпадетъ прошениꙗ · ни глагол҄етꙿ
к н҄емоу даждъ ми тѣло їсосово · о҅мрачь҆шааго
сль҆нце прѣжде мала врѣмене · и҅ камениѥ раꙁꙿ-
дробь҆ша · и҅ ꙁемь҆ѭ̑ потрꙙсъша · и҅ гробꙑ о҅твръ-
ꙁъша · и҅ катапеѳаꙁмѫ црь҆къвънѫѭ̑ раꙁдъра-
въша · ничтоже таково къ пилатоу глагол҄етъ ·
нъ чꙿто прошениѥ нѣкоѥ мало ѡ̑ сѫди и о҅тъ-
нѫдь мала просꙙ к тебе придохъ · даждъ ми
тѣло мрь҆тво на погребениѥ҆ · о҅ного о҅сѫжденаꙿ-
го о҅тъ тебе · їсоуса наꙁареа їсоуса ништааго ·
їсоуса бесхрамника · їсоуса сего видꙙштааго
нага · сьмѣренааго їсоуса · ѫ҅ꙁьника їсоуса ·
о҅кръвенааго страннааго · и҅ въ странь҆нꙑи҅хꙿ
неꙁнаѥ҅ма · и҅ небрѣгома вь҆сѣми видꙙшта ·
Даждъ ми сего страннаа҅го · каꙗ бо ти поль҆ꙁа
о҅тъ тѣла странь҆наꙿго сего · Даждъ ми сего на-
ꙁареа странь҆нааго · ѥ҅моуже странꙑ не сьвѣ-
мъ странꙿнии҆ · Даждъ ми сего странꙿнааго ·
ѥ҅моуже о҅тьца не ꙁнаѥ҅мъ странꙿнии҆ · Даждъ
ми сего странꙿнааго · ѥ҅моуже мѣста и҅ жили-
шта не сь҆вѣмъ страннии҆ · Даждъ ми сего стра-
ннааго · не и҅мѫштааго сь҆де кꙿде главꙑ подъ-
клонити · даждъ ми сего страннааго въ стра-
ньнꙑи҅хъ ꙗ҅ко странна бесхрамника · о҅тъ
ꙗ҅слиі꙯̈ ꙗ҅ко странна · о҅тъ їрода бѣжавъша · Да-
ждъ ми сего странꙿнааго · бѣжавъшааго о҅тꙿ
самѣхъ пеленъ вь҆ е҅гуптъ · и҅же ни града ни
вь҆си · ни храма ни о҅битѣли ни рода и҅матъ ·
въ стоуждеи странѣ · съ мрь҆тиѭ̑ и҅мѫштаа-
го житиѥ · и҅ дръжꙙштааго вь҆сѣчь҆скаꙗ ·
даждъ ми ѡ̑ владꙑко · сего висꙙштааго на
дрѣ[вѣ] нага · да покрꙑѭ̑ покрꙑвьшаа҅го моѥ҅го
състава наготѫ · даждъ ми сего мрътвааго
въкоупѣ и҅ б꙯а · да покрꙑѭ̑ покрꙑвъшаа҅го мо-
ꙗ беꙁакониꙗ · даждъ ми сего мрь҆тваа҅го да по-
гребѫ · погребъшааго въ їѡ̑рданѣ моѧ грѣхꙑ ·
о҅ мрьтвѣ мол҄ѫ · о҅тъ вь҆сѣхъ о҅бидѫ прии҅мꙿшꙋ ·
о҅тъ дроуга прѣданоу бꙑвъшоу · о҅тъ о̑учени-
ка прѣданоу · о҅тъ братиѧ и҅ꙁгънаноу · о҅тъ
свои҅хъ рабъ ꙁа о̑ухо о̑удареноу · о҅ мрь҆твѣ мол҄ѫ
о҅сѫжденоу бꙑвъшоу о҅тъ свобожденꙑи҅хъ ·
о҅ть҆ н҄его · пиштѫ о҅цъта напоѥ҅ноу · о҅тъ и҅цѣ-
лѣвъшии҅хъ · о҅тъ н҄его ꙗ҅ꙁвѫ прии҅мꙿшоуо̑умꙋ ·
о҅тъ о̑ученикъ о҅ставь҆ѥ҅ноу · о҅тъ своѥ҅ѧ матере
лишеноу · о҅ мрь҆твѣ ѡ̑ пилате мол҄ѫ · на дрѣвѣ
висꙙшти · нѣстъ бо семоу о҅ть҆ца на ꙁеми · ни
дроуга кого нꙑнꙗ · ни о̑ученика · ни ѫжикꙑ
ни погребителꙗ · нъ самъ ѥ҅дномоу ѥ҅дночꙙ-
дъ · вь вь҆семь҆ мирѣ богъ · и҅ и҅нъ никтоже · си-
мъ о҅тъ їѡ̑сифа къ пилатоу реченомъ · пове-
лѣ пилатъ въдати ѥмоу · прѣсвꙙтоѥ҆ тѣло
їсоусово · пришъдъ же на гольгоѳино мѣсто ·
сънꙙтъ бога въ пльти о҅тъ дрѣва · и҅ полагаѥтꙿ
на ꙁеми въ пльти бога нага · нъ ни пакꙑ нага · и҅ ви-
дꙙтъ лежꙙшта ниꙁъ · въꙁведъшааго вь҆сꙙ горѣ
и҅ бꙑваатъ въ малѣ беꙁ доуха · животъ вь҆сѣмъ
и҅ д꙯хъ · и҅ видꙙтъ беꙁъ о҅чию̑ · съꙁъдавъшаа҅го мно꙯-
гоо҅чител҄ьнаꙗ · и҅ лежитъ въꙁнакъ въскрѣшение
вь҆сѣмъ · и҅ о̑умрь҆штенъ бꙑваа҅тъ богъ пль҆тиѭ̑ ·
вь҆скрѣшаѧи҆ мрь҆твꙑѧ · и҅ мль҆читъ въ плъти
громъ божиꙗ словесе · и҅ въꙁдвиженъ бꙑваатъ дла-
нь҆ми · съдръжꙙи҆ ꙁемь҆ѭ̑ рѫкоѭ̑ · воле о̑убо їѡ̑си-
фе и҅спрошии и҅ прии҅мъ · вѣси ли о̑убо кого приѧ҅-
тъ пристѫпл҄ь къ кръстоу · и҅ сь҆немъ и҅соуса · вѣ-
си ли о̑убо кого понесе · а҅ште о̑убо вѣси ѥ҅гоже дръ-
жиши · нꙑнꙗ бꙑстъ богатъ · како же о̑убо и҅ бо-
жию̑ тѣлеси семоу · и҅ страшноуо̑умоу твориши
погребениѥ҆ · похваль҆на о̑убо ѥ҅стъ твоꙗ любꙑ ·
нъ паче похвал҄ено доуши твоѥи҆ дръꙁновениѥ ·
воле о̑убо не трепештеши ли · на рѫкоу носꙙ ѥ҅го-
же трепештѫтъ херовимъ · которꙑи҅мъ бо стра-
хомъ · б꙯жии҆ пль҆ти тои съвлачиши лентии҆ · ка-
цѣмъ же говѣниимъ приѧтъ о҅чи трепештꙙ вь҆-
ꙁирати · и҅ о҅тъкрꙑти тѣло бога сьмѣрьшааго
сꙙ вол҄еѭ̑ · воле о̑убо рь҆ци ми ѡ̑ їѡ̑сифе · и҅ къ въ-
стокоу ꙗ҅ко и҅ мрьтва погрѣбаѥ҅ши їсоуса · въсто꙯-
ка въстокомъ · воле о̑убо и҅ свои҅ма прь҆стома · ꙗ҅-
ко мрьтвоу їсоусови ꙁатвараѥ҅ши о҅чи · о҅твръꙁъ-
шоуо̑умоу свои҅мъ пръстомъ слѣпааго о҅чи ·
воле и҅ о̑уста сътискаѥ҅ши · о҅твръꙁъшоуо̑умꙋ
о̑уста гѫгънивоуо̑умоу · воле же и҅ рѫцѣ съла-
гаѥ҅ши · простеръшоуо̑умоу и҅съхъшии рѫцѣ ·
и҅ли и҅ ноꙁѣ по ꙁаконоу мрьтвꙑи҅мъ вꙙжеши ·
давъшоуо̑умоу хождениѥ҆ недвижимꙑи҅ма
ногама · воле же о̑убо и҅ на о҅дрѣ вь҆ꙁдвижеши ·
рекъшоуо̑умоу о҅слабь҆ѥ҅ноуо̑умоу жилами
въꙁми свои о҅дръ и҅ ходи · воле же и҅ хриꙁмѫ въ-
ꙁливаѥ҅ши на цѣсара · и҅ хриꙁмѣ пролиꙗвъ-
шии҅ сꙙ · и҅ вь҆сь҆ миръ и҅сцѣль҆ши · воле о̑убо ѥ҅ште
и҅ кръви текѫшти ꙗ҅ꙁвѣ божиꙗ тѣла съмѣѥ҅-
ши и҅стискати ѭ · и҅ и҅сцѣл҄ѣвъшоуо̑умоу кръ-
воточивѫѭ̑ богоу · воле о̑убо и҅ водоѭ̑ о҅мꙑваѥ҅-
ши тѣло б꙯жиѥ · и҅ꙁмꙑвъшаго вь҆сꙙ и҅ о҅цѣште-
ниѥ давъша · кꙑѧ҅ же о̑убо и҅ свѣштꙙ въжъже-
ши и҅стинъноуо̑умоу свѣтоу · просвѣштъшꙋ-
моу вь҆сѣко꙯га чловѣка · кꙑѧ въспоѥ҅ши погре-
бению̑ пѣсни · приѥ҅мь҆ѭ̑штоуо̑умоу присно꙯
о҅тъ небесь҆скꙑи҅хъ силъ пѣсни · воле о̑убо слъ-
ꙁꙑ о̑упоуштаѥ҅ши ꙗ҅ко н꙯а꙯д꙯ъ꙯ мрътвъмъ · прослъ-
жъшоуо̑умоу сꙙ · и҅ мрьтва лаꙁарꙗ вьскрѣшь҆-
шоу · воле о̑убо и҅ плачъ твориши · давъшоуо̑у-
моу вь҆сѣмъ радость · и҅ скръбь҆ о҅тъ е҅угꙑ о҅тъ-
връгшоу · о҅баче блажѫ рѫцѣ твои ѡ̑ и҅ѡ̑сифе ·
послоужъшии · и҅ о҅сꙙгъшии҆ · ѥ҅ште и҅ крьвь поу-
штаѭ̑шти божиꙗ тѣла · и҅сꙋсовѣ рѫцѣ и҅ но-
ꙁѣ · блажѫ рѫцѣ твои прикоснѫвъшии҅ сꙙ бо-
жии҅хъ ребрѣхъ · прѣжде ѳомꙑ невѣрънааго꙯ ·
вѣрна и҅ похвал҄ена о҅пасива · блажѫ о̑уста тво꙯-
ꙗ · бе сꙑтости насꙑшть҆ша сꙙ · и҅ приложь҆-
ша сꙙ къ и҅соусовомъ о̑устомъ · и҅ доуха с꙯та о҅тъ-
тѫдоу и҅спльн҄ьша сꙙ · блажѫ о҅чи твои прило-
жьшии сꙙ къ їсоусовама о҅чима · и҅ свѣтъ и҅сти-
нънꙑи о҅тътѫдоу приимъши · блажѫ лице тво꙯ѥ
приложъшии сꙙ къ божию̑ лицоу · блажѫ рамѣ тво꙯-
и҆ понесъшии носꙙштааго чловѣка · блажѫ гла-
вѫ твоѭ̑ ѥ҅и҅же прикоснѫ сꙙ і꙯̈с глава вь҆сѣмъ ·
блажѫ їѡ̑сифа и҅ никодима · бꙑсте бо прѣжде
херовимъ херовимѣи҅ша бога вь҆ себѣ носꙙшта ·
бꙑсте прѣжде шестокриль҆нꙑи҅хъ богоу слоу-
ꙁѣ · не крильма нъ плаштаницеѭ̑ бога покрꙑ-
въша · и҅ почътъша ѥ҅гоже херовимъ трепештѫ-
тъ · сего на рамѣхъ и҅ѡ̑сифъ и҅ никодимъ носи-
те · ꙗ҅ко и҅ вь҆си беспльть҆нꙑи҅хъ чинове сь҆ н҄и-
ма носꙙтъ · и҅деже їѡ̑сифъ и҅ никодимъ · не тоу
ли сь҆нꙙшꙙ сꙙ · и҅ вь҆си божии а҅ггелъ народи · и҅ ва-
раѭ̑тъ херовимъ · и҅ прѣтѣкаѭ̑тъ серафимъ ·
и҅ с н҄има носꙙтъ прѣстолꙑ · и҅ покрꙑваѭ̑тъ
шестокриль҆нии҆ · и҅ трепештѫтъ многоо҅чи-
тии҆ · видꙙште їсоуса въ пльти беꙁъ о҅чию̑ · и҅
прикрꙑваѭ̑тъ силꙑ · и҅ поѭ̑тъ владꙑчь҆ствиꙗ ·
и҅ трепештѫтъ чинове · и҅ дивꙙтъ сꙙ о̑ужасаѭ̑-
ште сꙙ къ себѣ и҅ сътꙙꙁаѭ̑ште сꙙ глагол҄ѫтъ ·
что се страшноѥ слово и҅ боꙗ҅ꙁнь҆ · и҅ трепетъ и҅ о̑у-
жасъ · чꙿто се великоѥ и҅ дивъноѥ чоудо · неви-
димꙑи҆ намъ беспльтьнꙑимъ вꙑспрь҆ богъ ·
ниꙁъ чловѣкъ · мрътвъ и҅ нагъ видимъ ѥ҅стъ ·
ѥ҅моуже прѣстоѧтъ херовимъ съ говѣниі̑̈мъ ·
сего їѡ̑сифъ и҅ никодимъ погрибаѥ҅та бе сѫмꙿ-
нѣниꙗ · къгда сьниде не о҅ставл҄ии҆ вꙑспрь-
н҄ии҅хъ · как꙯о꙯ сь҆ниде сꙑи вънѫтрь҆ · како на ꙁе-
мьѭ приде и҅спльнꙗѧи чловѣка · како сълѣꙁе
не чоувъшоу ни ѥ҅диномоу · сꙑи вꙑспрь съ о҅-
тꙿцемъ въи҅нѫ ꙗ҅ко богъ · не ꙗ҅вии҅ сꙙ намъ ни-
кꙿдеже · чловѣкомъ ꙗ҅ко чловѣкъ · въкоупѣ
же и҅ чловѣколюбь҆ць ꙗ҅ви сꙙ · како невидимꙑ-
и видѣнъ бꙑваатъ · како бесплътънꙑи҆
въпль҆ти сꙙ · како немѫченꙑи мѫкѫ приѧ҅тꙿ ·
како сѫдии҆ на сѫдишти ста · како животъ
съмрьти въкоуси · како въ гробъ невъмѣ-
штаѥ҅мꙑи въмѣштаѥ҅мꙑи вь҆мѣштаатꙿ
сꙙ · како о҅бита въ гробѣ не о҅ставл҄ии прѣстола
о҅ть҆ча · како въ врата врътъпоу въходитъ ·
не о҅твръꙁъи вратъ небесъскꙑи҅хъ · нъ врата
раю̑ о҅твръꙁъ · а҅ вратъ дѣвествънꙑи҅хъ не о҅-
твръꙁꙿ · нъ врата а҅довъскаꙗ съкроушивъ · и҅ двь҆-
рии при ѳомѣ не о҅твръꙁъ · нъ врата цѣсарь҆стви-
ꙗ чловѣкомъ о҅твръꙁъ · а врата гроба и҅ печа-
тии неврѣжденꙑ съхранꙗѧ҆ · како же къ
мрътвꙑи҅мъ причитаѥ҅тъ сꙙ · свободьи҅ въ
мрътвꙑи҅хъ · како свѣтъ немрачь҆нꙑи҆ въ
темь҆нꙑѧ҆ · и҅ вь҆ сѣни съмрътънꙑѧ прихо-
дитъ · камо грꙙдетъ · камо съходитъ · ѥ҅гоже
съмрь҆ть҆ не можетꙿ о̑удръжати · чꙿто ѥ слово · что꙯
коварь҆ство · чꙿто ѥ҆ мꙑсль сьнитию̑ ѥ҅го · ѥ҅же
въ а҅дъ · некли а҅дама съвꙙꙁь҆нꙗ и҅ намъ кле-
врѣта въꙁвестъ съходитъ · въ и҅стинѫ пръво-
ꙁъданааго · о҅вчꙙте погꙑбъшааго въꙁиска-
тъ грꙙдетъ о̑убо · и҅ сѣдꙙштии҅хъ вь҆ ть҆мѣ
и҅ въ сѣни съмрьтьнѣ хоштетъ посѣтити ·
ибо плѣнника а҅дама и҅ плѣнꙿницѫ е҅угѫ · о҅тꙿ
страстии раꙁдрѣшитъ · грꙙдетъ ꙗ҅ко б꙯ъ · и҅ сꙑ-
нъ ѥ҅ю̑ · нъ да сꙿ н҄имъ сьнидемъ · нъ да с н҄имъ
ликъствоуѥмъ · нъ да въꙁиграѥ҅мꙿ сꙙ · нъ да
потъштимъ сꙙ · нъ да проводимъ · нъ да въспо꙯-
ѥ҅мъ · нъ да подвигнемъ сꙙ · богоу прѣмѣнꙑ
къ чловѣкомъ видꙙште · и҅ съвꙙꙁь҆н҄емъ и҅споу-
штениѥ · о҅тъ блага г꙯и бꙑваѭ̑штии҆ · грꙙдетъ
бо и҅стꙑи чловѣколюбь҆цъ · и҅ꙁвестъ вѣчь҆нъи҆-
хъ ѫ҅жꙿникъ мѫжь҆ствомъ · и҅ о҅бластиѭ̑ велико-
ѭ̑ · живѫштиихъ въ гробѣхъ · ѧ҅же о̑умѫчи о҅би-
дь҆ливꙑ и҅ непобѣдимꙑи҆ мѫчител҄ь · о̑умѫче-
нꙑи҆ о҅тъ бога · ꙗ҅ко противникъ о̑украдъ · и҅ събꙿ-
равъ живѫштꙙѧ вꙑспрь҆ · тоу съвꙙꙁанъ а҅дамъ%
съвꙙꙁанꙑи҆ прѣжде · и҅ о̑умь҆рꙑи҆ прѣжде вь҆сѣ-
хъ · съвꙙꙁанъ прѣи҅сподь҆нѣи҆ · тоу а҅вьлъ по-
жъренꙑи прѣжде · и҅ пръвꙑи правь҆дникъ ·
пастоухъ христосовъ · пастоуховъ о҅браꙁъ бꙑвꙿ ·
неправь҆дноуоумоу ꙁаколению̑ · тоу ноѥ х꙯совъи҆
о҅браꙁъ · великоуо̑умоу ковꙿчегоу божии цръкꙿві
ꙁиждител҄ь · съпасъшии жестосръдꙑѧ вь҆сꙙ
ѧ҅ꙁꙑкꙑ · о҅тъ потопа нечь҆стию̑ · голѫбемъ с꙯таꙿ-
го доуха · и҅ ть҆мнааго врана диꙗ҅вола · и҅ꙁ н҄еѧ
и҅ꙁгънавъша · Тоу а҅враа҅мъ прадѣдъ х꙯совъ жъ-
ръцъ · и҅же беꙁбожьнѫѭ̑ и҅ бесъмрътънѫѭ̑ жръ-
твѫ богоу пожрълъ ѥ҅стъ · тоу сь҆вꙙꙁанꙑи и҅са-
къ · съвꙙꙁанꙑи древл҄е о҅тъ а҅враа҅ма · въ х꙯совъ о҅-
браꙁъ · тоу їа҅к҄ѡвъ · въ а҅дѣ ниꙁъ печаленъ · съи҆
древь҆ѥ прискръб꙯ъ꙯нъ ꙁа їѡ̑сифа вꙑспрь҆ · тоу їѡ̑-
сифъ съвꙙꙁанъ бꙑвꙑи҆ въ е҅гоуптѣ въ темꙿни-
ци · въ о҅браꙁъ х꙯совъ съвꙙꙁь҆ню г꙯ню · тоу м҄ѡу
сии въ тъмнꙑи҅хъ ниꙁъ · ꙗ҅коже бѣ въ крабии҆ ·
вь҆ ть҆мнꙑи҅хъ ниꙁъ · тоу даниилъ въ прѣи҅спо-
дн҄ии҅мъ гробѣ а҅довѣ · тоу и҅ѥ҅ремиꙗ ꙗ҅ко въ ꙗ҅мѣ
тинь҆нѣи҆ въ а҅дьстѣа҅мь гробѣ · и҅ съмрь҆тьнѣѣмꙿ
и҅стьлѣнии҆ · тоу въ чрѣвѣ а҅дь҆стѣѣмъ лежитъ
їѡ̑на · въ о҅браꙁѣхъ христоса вѣчь҆нааго и҅ прѣ-
вѣчь҆наа҅го · и҅о҅нꙑ живѫштоуо̑умоу вь҆ вѣкъ и҅
вь҆ вѣкъ вѣкомъ · и҅ на вѣкꙑ и҅ ѥ҅ште · Тоу да-
вꙑдъ о҅ть҆цъ б꙯жии҆ · и҅ж н҄егоже по пль҆ти х꙯с роди
сꙙ · и҅ что глагол҄ѫ давꙑда и҅ їѡ̑нѫ и҅ солом҄ѡна ·
тоу самъ їѡ̑а҅нъ великꙑи и҅ бол҄ии҆ вь҆сѣхъ проро꙯-
къ · ꙗ҅ко въ ть҆мнѣхъ ложеснѣхъ х꙯са проповѣ-
даѧ гробьнꙑи҅мъ вьсѣмъ · соугоубънꙑи҆ прѣ-
дътеча · и҅ проповѣдникъ живꙑи҅мъ и҅ мрътвꙑ-
мъ · посъланꙑи҆ о҅тъ ть҆мницꙙ и҅родовꙑ · въ ть҆-
мницѫ доушевънѫѭ̑ о̑умь҆ршии҅мъ о҅тъ вѣ-
ка правь҆дь҆никомъ и҅ неправьдникомъ · про-
роци же и҅ правь҆дивии҆ вь҆си · молитвами непрѣ-
стаѭ̑штами · бога о҅тътѫдоу молꙗа҅хѫ · и҅ꙁꙿ-
бавь҆ѥ҅ниꙗ просꙙште · прѣскръбь҆наа҅го того
о̑умил҄енааго о҅бладаниꙗ вражиꙗ҆ · и҅ мрь҆че-
ниꙗ прѣть҆мнааго мрака · и҅ о҅въ и҅хъ къ б꙯оу
глаголаа҅ше · и҅ чрѣва а҅дова вь҆пл҄ь мои҆ о̑услꙑ-
ша гласъ мои҆ · о҅тъвръже мꙙ въ глѫбинꙑ въ-
ꙁпихъ к тебѣ г꙯и г꙯и о̑услꙑши гласъ мои҆ ·
и҅ дроугꙑи҆ просвѣти лице твоѥ и҅ съпасени
бѫдемъ · и҅ и҅нъ сѣдꙙи на херовимѣ ꙗ҅ви сꙙ ·
въꙁдвигни силѫ твоѭ̑ и҅ приди съпастъ на-
съ · и҅ и҅нъ скоро да варꙙтъ нꙑ штедротꙑ тво-
ѧ г꙯и · и҅ дроугꙑи҅ и҅ꙁбави доушѫ моѭ̑ о҅тъ а҅да
прѣи҅сподь҆нꙗго · и҅ и҅нъ г꙯и и҅ꙁвелъ ѥ҅си о҅тъ а҅да
доушѫ моѭ̑ · и҅ дроугꙑи҆ не о҅стави доушꙙ моѥ҅ѧ
въ а҅дѣ · и҅ и҅нъ да вь҆ꙁидетъ и҅ꙁ исть҆лѣниꙗ жи-
вотъ мои кꙿ тебѣ г꙯и б꙯же мои҆ · съмотри · не тъ-
кꙿмо о̑умь҆ръшии҅мъ при н҄емъ и҅ по н҄емъ · по-
вѣдати своѥ чловѣколюбиѥ҆ · нъ и҅ дръжимꙑ-
мъ о҅тъ а҅да · прѣжде пришь҆ствиꙗ ѥ҅го · и҅ сѣ-
дꙙштии҅мъ въ ть҆мѣ и҅ вь҆ сѣни сь҆мрь҆ть҆нѣ ·
тѣмꙿже чловѣкꙑ о̑убо въ пль҆ти сѫштꙙ · плъ-
тиѭ̑ д꙯шевь҆нѫѭ̑ · богъ и҅ слово посѣтилъ ѥ҅стъ ·
доушꙙ же бес пль҆ти сѫштꙙ · б꙯жиѥѭ̑ и҅ прѣчи-
стоѭ̑ своѥ҅ѭ̑ д꙯шеѭ̑ въ а҅дѣ · просвѣтилъ ѥ҅стъ
тѣлоу · о̑у не божь҆ствоу раꙁлѫченѣ сѫшти ·
Тѣмже потъштимъ сꙙ и҅ мꙑсль҆ѭ̑ въ а҅дѣ и҅дѣ-
мъ · ꙗ҅ко да видимъ · како тоу тъгда дръжа-
воѭ̑ крѣпъ҆коѭ̑ · о҅тънѫдь҆ дръжитъ · дръжꙙ-
штаа҅го мѫчител҄ьство · и҅ вои҅нꙑ свои҅мъ бли-
станиѥ҅мъ · не о̑умираѭ̑штии҅мъ о҅ н҄емъ ·
плькомъ чинꙑ · беꙁ-д-рѫкоу вꙙжетъ · двь҆ри
беꙁдънꙑ въꙁь҆мъ о҅тъ срѣдꙑ · и҅ врата беꙁдрѣвꙿна
кръстомъ х꙯с сь҆ломь҆ · гвоꙁдии҅ же верѣѧ вѣчь҆-
нꙑѧ съкроуши · и҅ съломь҆ и҅ ѫ҅ꙁами · и҅ свои-
ма рѫкама ѥ҅моу нераꙁдрѣшь҆наꙗ ѫ҅жа желѣ-
ꙁнаꙗ · ꙗ҅ко воскъ расквьръ , И копь҆ѥ҅мъ про-
нъꙁъшоуо̑умоу б꙯жиꙗ҆ ребра · бесплътъноѥ҆
срь҆дьце мѫчителю прободъ · тоу съкроуши
дръжавѫ лѫкомъ ѥ҅го · ѥ҅гда кръ҆стъ ꙗ҅ко лѫкъ
б꙯жиꙗ҅ма рѫкама · ѫ҅ꙁами ꙗ҅ко тꙙтивоѭ̑ на-
лꙙче · тѣмже а҅ште съ беꙁмльвьствиѥ҅мъ въ
слѣдъ х꙯са и҅деши · нꙑнꙗ видиши ѥ҅гда мѫ-
чителꙗ съвꙙꙁа · кде же главѫ ѥ҅го въстъче ·
како же ть҆мницꙙ ѥ҅го раскопа · како же съвꙙ-
ꙁьн҄ꙙ и҅ꙁведе · како же ꙁмиѭ̑ распъра · и҅ кꙿде
ꙁмиѭ̑ о҅бѣси · Како же а҅дама свободи · и҅ како
ѥ҅угѫ въскрѣси · и҅ како посрѣдьн҄ѫ стѣнѫ ра-
ꙁори · и҅ кде лютааго ꙁмиꙗ о҅сѫди · и҅ како не-
побѣдимꙑѧ побѣдꙑ постави · кде же съмрꙿ-
ть҆ о̑умрьтви · и҅ како и҅стьлѣниѥ и҅сть҆ли · и҅
чловѣка въ прь҆вꙑи постави · владꙑчь҆скъи҆
санъ · о҅тъметаѧи о̑убо вьчера · владꙑчь҆скъи҆
л҄егео҅нъ · а҅гг҄елъ глагол҄ꙙ петрови · ꙗ҅ко могѫ
нꙑнꙗ прѣдъ собоѭ̑ · поставити бол҄е нежели
дꙿва на десꙙте легео҅нъ а҅гг҄елъ · дь҆несь҆ же бого꙯-
лѣпь҆но · въкоупѣ же и҅ храбъръскꙑ и҅ владꙑчꙿ-
скꙑ · съходитъ на а҅да и҅ на сь҆мрь҆ть҆ · и҅ на мѫ-
чителꙗ съмрьтиѭ̑ съмрь҆ти · Бесь҆мрь҆тънꙑ-
ѧ · беꙁпль҆тънꙑи҅хъ вои҅нъ · и҅ чиновъ неви-
димꙑи҆хъ · не богови не тъкмо лег҄ео҅нꙑ · нъ
тъмꙑ тъмами и҅ тꙑсѫштꙙ тꙑсѫштами ·
и҅мꙑ а҅гг҄елъ и҅ а҅рханг҄елъ · властии҆ владꙑчь҆-
ствии҆ · господьствии҆ силъ и҅ прѣстолъ · ше-
стокрилать҆ць҆ многоо҅читꙑи҅хъ · небесъскꙑ-
хъ чиновъ проводꙙштꙙѧ҆ · ꙗ҅ко своѥго господа
и҅ цѣсара · и҅ даръ приносꙙштꙙ · и҅ поѭ̑штꙙ҅ х꙯са ·
не пособиѧ въ брани творꙙштꙙ · не достои҅нъ ·
о̑убо се ѥ҅стъ богоу · коѥ҅го бо и҅ пособиꙗ трѣбоу-
ѥ҅тъ х꙯с · нъ по длъгоу и҅ по чь҆сти · съ любь҆виѭ̑
присно своѥ҅моу г꙯и · въи҅нѫ прѣстоꙗ҅ти богови ·
полоучиви е҅тери о҅рѫжь҆ници · такожде и҅ копи-
и҅ници · скори господь҆стѣи брани · помаани-
ю тъкмо · подвиꙁании божиѧ скоротꙑ · дроугꙿ
дроуга вараѭ̑ште въкоупѣ · вь҆ дѣло съконь҆-
чаваѭ̑штꙙ · повелѣнии҅мъ дѣтѣли и҆ · по꙯бѣдо꙯ѭ̑ ·
о̑устроѥ҅ни · къ врагомъ и҅ мѫчител҄емъ о҅бль҆че-
ни · тѣмꙿже и҅ сꙿнидошꙙ тъгда текѫште въкꙋ-
пѣ · и҅ послѣдоуѭ̑ште богови и҅ господи на гро-
бьнаꙗ и҅ вь҆сеи ꙁеми глѫбь҆шаꙗ · о̑умь҆рь҆шии҅-
мъ о҅тъ вѣка подъ ꙁемь҆ѥ҆ѭ̑ жилишта · и҅ꙁве-
сти о҅кованꙑѧ҆ о҅тъ вѣка съпꙙштꙙѧ · и҅ ꙗ҅ко
о̑убо врата и҅ бесль҆нь҆наꙗ а҅дова жилишта ·
жилишта же и҅ тъмницꙙ · и҅ съкровишта
и҅ врьть҆пи · божиѥ҆ посѣштениѥ · и҅ свѣтъло
пришъствиѥ ѥ҅го постиже · Вараѥ҅тъ вь҆сꙙ га-
врии҅лъ а҅рꙿхистратигъ · ꙗ҅коже по о҅бꙑчаю̑ ра-
дости благовѣштениꙗ приноситъ чловѣ-
комъ · и҅ глаголъ е҅теръ крѣпокъ · и҅ а҅рханг҄ель҆-
скъ · и҅ воѥводь҆скъ свѣть҆лъ · и҅ ль҆вь҆скъ къ про꙯-
тивь҆нꙑи҅мъ силамъ · гласомъ велиѥ҅мъ глаго꙯-
л҄етъ · въꙁмѣте врата кнꙙꙁи ваши · с н҄имиже
въпиѥ҅тъ михаи҅лъ · и҅ въꙁь҆мѣте сꙙ врата вѣ-
чьнаꙗ · потом же и҅ силꙑ рѣшꙙ · о҅тъстѫпите
вратници ꙁаконопрѣстѫпꙿнии҆ · такожде вла-
дꙑчь҆ствиꙗ съ о҅бластиѭ̑ · съкроушите сꙙ
желѣꙁнаꙗ ѫ҅жа · нераꙁдрѣшимаꙗ · и҅ и҅нъ по꙯-
стꙑдите сꙙ противь҆нии сѫпостати · и҅ дрꙋ-
гꙑи҆ · о̑убои҅те сꙙ мѫчител҄е ꙁаконопрѣстѫпꙿ-
нии҆ · и҅ ꙗ҅ко се при ц꙯ри храбь҆рѣ · цѣсарь҆скꙑ о҅-
плъчаѭ̑шти сꙙ · и҅ побѣждаѭ̑шти · гроꙁа е҅-
тера и҅ трепетъ · въкоупѣ же и҅ съмѫштаниѥ҆
и҅ страхъ пристрашънъ нападаѥ҅тъ · на непо-
бѣдимааго владꙑкꙑ врата · такожде же и҅ въ
а҅дъское҆ о҅но дивъноо҆ х꙯сово пришъствиѥ · ѥ҆же въ
прѣи҅сподꙿн҄ихъ · вънеꙁаа҅пѫ бꙑстъ съвꙑше ·
блистанию̑ мракъ · вь҆ лице противънꙑи҅мъ адо꙯-
вамъ силамъ · громъгласомъ е҅теромъ слꙑшꙙ-
штемъ · кличѫштемъ · и҅ воѥ҅мъ велꙙштемꙿ
и҅ глагол҄ѫштемъ · вь҆ꙁьмѣте врата кнꙙꙁи ва-
ши вь҆ꙁь҆мѣте врата · не о҅тврь҆ꙁѣте бо нъ о҅тъ
самѣхъ о҅сновании вь҆ꙁь҆мѣте ꙗ · и҅скорените
прѣставите · не ꙁатварꙗти сꙙ и҅мъ кꙿ томоу ·
въꙁь҆мѣте врата кнꙙꙁи ваши · не ꙗ҅ко не мо-
гѫштоу пришъдъшоуо̑умоу владꙑцѣ · и҅ вра-
томъ ꙁатвореномъ ѥ҅гда велитъ въходити ·
нъ владꙑчь҆скꙑ вамъ ꙗ҅ко о̑убогомъ хлапомꙿ ·
велꙙштоу вьꙁꙙти сꙙ вѣчьнꙑи҅мъ вратомъ·
и҅ прѣставь҆ѥ҅ниѥ и҅ съкроушениѥ · тѣмже ни
народомъ вашимъ · нъ мь҆нꙙштии҅мъ сꙙ кнꙙ-
ꙁемъ бꙑти · повелѣваатъ глаголꙙ · въꙁь҆мѣ-
те врата кнꙙꙁи ваши н҅ъ ни и҅нѣмъ е҅теромъ
сѫштемъ кнꙙꙁи · а҅ште бо и҅ доселѣ о̑умьръ-
шии҅ми о҅тъ вѣка · ꙁь҆лѣ влали ѥ҅сте кꙿ томоу
о̑уже не о҅бладаи҅те и҅ми · нъ ни и҅нѣми ни ва-
ми · нъ ни вами самѣми бѫдете кнꙙꙁи · вь҆-
ꙁь҆мѣте врата · приде бо х꙯с небесъскꙑѧ двь҆-
ри пѫть҆ сътворите · въшъдъшоуо̑умоу на ꙁа-
падъскꙑѧ ꙁападꙑ · господь҆ и҅мꙙ ѥ҅моу · и҅ го-
сподоу и҅сходꙑ съмрь҆тьнꙑи҅мъ вратомъ ·
въходꙑ сь҆мрь҆ть҆нꙑѧ҆ вꙑ сътвористе· а҅ и҅схо꙯-
дъ самъ сътворитъ приде · тѣмже вь҆ꙁꙿмѣте
врата кнꙙꙁи ваши вь҆ꙁмѣте и҅ не моудите ·
Въꙁꙿмѣте скоро вь҆ꙁмѣте и҅ не жь҆дѣте · а҅ште ли
моудити мните · самѣмъ вратомъ беꙁ-д-рѫ-
коу о҅ себѣ вьꙁꙙти сꙙ велитъ · вь҆ꙁь҆мѣте сꙙ врата
вѣчь҆наꙗ҆ · въкоупѣ же силꙑ въскликнѫшꙙ ·
въкоупѣ же врата въꙁꙙшꙙ сꙙ · въкоупѣ желѣ-
ꙁꙿнаꙗ ѫ҅жа и҅ верѣѧ съкроушишꙙ сꙙ · въкоупѣ
ꙁатвори о҅тъпадошꙙ · въкоупѣ о҅снованиꙗ
тъмницꙙ подвижашꙙ сꙙ · Въкоупѣ проти-
вънꙑѧ силꙑ бѣствоу сꙙ ѧ҅шꙙ · дроугъ дроу-
га рѣѧ҆ · и҅ дроугъ дроуꙁѣ прѣтꙑкаѧ҅ сꙙ · и҅ и҅нъ
и҅номоу бѣжати глагол҄ꙙ · о̑устрашишꙙ сꙙ по꙯-
движашꙙ сꙙ · о̑ужаснѫшꙙ сꙙ съмꙙтошꙙ сꙙ ·
о҅блѣдѣшꙙ сташꙙ въкоупѣ · дивишꙙ сꙙ · не-
домꙑслишꙙ сꙙ въкоупѣ и҅ вь҆стрепеташꙙ · и҅
о҅въ и҅хъ ꙁѣѧ стоꙗ҅ше · о҅въ же колѣнома лице
покрꙑваа҅ше · а҅ дроугꙑи ниць ꙁадь҆хнѣа҅ше
сꙙ · и҅ и҅нъ ꙗ҅ко мрь҆твъ о҅цѣпааше · а҅ дроугꙑи
о̑ужасомъ дръжимъ бѣ · и҅ о҅блѣдѣвъ лежаа҅ше ·
а҅ дроугꙑи҆ въ ѫ҅трь҆н҄ихъ прибѣжиштихъ
и҅штаꙁаа҅ше · тоу бо тъгда сь҆сѣче х꙯с · въ о̑ужа-
сѣ главꙑ силь҆нꙑи҅хъ · тоу сътрꙙсе сꙙ вь҆ н҄емъ ·
тоу раꙁвръꙁошꙙ о̑уꙁдꙑ своѧ глагол҄ѫште · кто꙯
сь҆де ѥ҅стъ цѣсарь҆ славѣ · кто сь҆ ѥ҅стъ таковъи҆ ·
таковаꙗ съ толицѣми сь҆де творꙙ чоудеса ·
кто сь҆ ѥ҅стъ ц꙯рь славѣ творꙙи҆ нꙑнꙗ въ а҅дѣ ·
не бꙑвъшаꙗ никъгдаже въ а҅дѣ · кꙿто сь҆ ѥ҅стъ
и҅ꙁводꙙи҆ о҅тъсѫдоу о҅кованꙑѧ о҅тъ вѣка · кто꙯
сь҆ ѥ҅стъ раꙁдроушивꙑи҆ нашѫ непобѣдимѫ-
ѭ̑ дръжавѫ и҅ мѫжь҆ство · К н҄имꙿже о҅тъвѣшта-
ваахѫ господь҆скꙑѧ силꙑ глагол҄ѫштꙙ · о̑у-
вѣдѣти ли хоштете кто сь҆ ѥ҅стъ ц꙯рь славѣ ·
гь крѣпъкъ и҅ силь҆нъ · г꙯ь силенъ и҅ крѣпъкъ
и непобѣдимъ въ бранехъ · сь҆ ѥ҅стъ о҅тъвръгъи҆
вꙑ отъ небесъскꙑи҅хъ мѣстъ · и҅ о҅ ꙁеми посълавъ · ѡ̑ о҅каꙿ-
нии ꙁаконопрѣстѫпꙿници мѫчител҄е · о҅нъ и҅стꙑи ѥ҅-
стъ съкроушивъи҆ въ їѡ̑рдан꙯ь%с꙯к꙯ꙑ꙯хъ водахъ · главꙑ ꙁмие҅въ
вашихъ · сь҆ и҅стъ ѥ҅стъ · о҅бличивъи крьстомъ · и҅ поꙁо-
роу сътворивъ · и҅ о҅слабл҄ь жилꙑ вашꙙ · тъ и҅стꙑи ѥ҅стъ ·
съвꙙꙁавꙑи҆ и҅ о҅мрачъ · и҅ въ беꙁдьнѫ пось҆лавъ вꙑ ·
Сь и҅стꙑи҅ ѥ҅стъ посꙑлаѧи вꙑ въ о҅гн҄ь вѣчьнꙑи҆ · и҅ вь г҄е-
о҅нꙿнѫ тѣмже не моудите · не жидѣте нъ подви-
гнѣте сꙙ · и҅ ѫ҅жникꙑ и҅ꙁведѣте ѧ҅же доселѣ пожрѣ-
сте · ваша бо дръжава о̑уже раꙁдроуши сꙙ · ваше
мѫчител҄ьство о̑уже прѣста · ваше шꙙтаньѥ҆ лю-
тѣ ꙗ҅ко раꙁдроуши сꙙ · ваша гръдꙑн҄и до конь҆ца
о҅слабѣ · ваша крѣпость и҅ꙁнеможе и҅ погꙑбе · сь҆-
ѧ господьн҄ꙙ силꙑ противънꙑи҅мъ силамъ г꙯лаꙿ-
хѫ · въкоупѣ же и҅ ть҆штаа҅хѫ сꙙ · и҅ о҅ви тьмницꙙ
о҅тъ самѣхъ о҅сновании҆ раскопаваа҅хѫ · о҅ви же про-
тивънꙑѧ силꙑ гонꙗахѫ · о҅тъ вьнѣшть҆н҄ии҅хꙿ
съкровиштъ · вь вь҆нѫтрьн҄ии҅хъ бѣжꙙште · и҅ и҅-
ни прѣи҅сподь҆нꙗꙗ хранилишта и҅ нꙑришта ·
и҅ пешти и҅скаа҅хѫ и҅ течаахѫ · и о҅ви дроугъ дроу-
га и҅нѫдоу сьвꙙꙁь҆нꙗ господеви привождаахѫ ·
и҅ и҅ни мѫчителꙗ вꙙꙁаахѫ · и҅ дроуꙁии вѣчь҆нꙑѧ
сь҆вꙙꙁьн҄ꙙ и҅споуштаахѫ · а҅ дроуꙁии҆ слоужаахѫ
въскорѣ · и҅ о҅ви въходꙙштоу вънѫтрь҆ѭ̑доу х꙯соу
прѣдьтечаахѫ · о҅ви же ꙗ҅ко богоу и҅ цѣсароу · и҅ по-
бѣдителю прѣстоꙗ҅хѫ · Сим же тако · нъ и҅ паче
сихъ · въ а҅дѣ бꙑваѭ̑штемъ · бꙑваѭ̑штемъ же
и҅ говорꙙштемъ вь҆сѣмъ · и҅ трꙙсѫштемъ сꙙ · ꙗ҅ко
господьн҄еѥ҆ пришь҆ствиѥ҆ · сама прѣи҅сподьнꙗа҆
прѣи҅сподн҄иимъ дои҅ти хотѣа҅ше · а҅дамъ о҅нъ
адамъ о҅нъ · сь҆вꙙꙁанꙑи вь҆сѣхъ ч꙯къ прѣжде · вьнѫтрь-
ѭ̑доу вь҆сѣхъ · съ многоѭ̑ тврь҆дь҆ѭ̑ · съвꙙꙁанъ дръ-
жимъ слꙑша · господь҆стѣи҆ ноꙁѣ въходꙙшти къ
съвꙙꙁь҆н҄емъ · и҅ поꙁна гласъ ходꙙштоуо̑умоу въ
ть҆мници · и҅ о҅брꙙштъ сꙙ къ всѣмъ сѫштии҅мъ сь҆
н҄имъ · о҅тъ вѣка съвꙙꙁь҆н҄емь҆ · и҅ рече · гласъ ногоу
е҅тера слꙑшѫ · къ намъ грꙙдѫшта · и҅ а҅ште тъ въ и҅-
стинѫ сѣмо прити и҅ꙁволилъ ѥ҅стъ · мꙑ от꙯ ѫ҅ꙁъ сво-
бодимъ сꙙ · а҅ште въ и҅стинѫ о҅ного съ нами видимꙿ ·
мꙑ о҅тъ ѫ҅ꙁъ и҅ꙁбавь҆ꙗ҅емъ сꙙ · си и҅ подобьнаꙗ симъ
а҅дамоу глагол҄ѫштоу · къ вь҆сѣмъ сѫштии҅мъ сь҆
н҄имъ сь҆вꙙꙁь҆н҄емъ · вь҆ниде господь҆ к н҄имъ · побѣ-
дноѥ҅ о҅рѫжьѥ крь҆ста дръжꙙ · Егоже видѣвъ а҅да-
мъ съꙁъданꙑи прѣжде · и҅ о̑ужасомъ вь҆ꙁбивь прь҆-
си вь҆ꙁпи къ вь҆сѣмъ · сь҆пꙙштии҅мъ о҅тъ вѣка ·
и҅ рече господь҆ мои сь҆ всѣми · и҅ о҅тъвѣштавъ х꙯съ
г꙯ла а҅дамови · и҅ съ д꙯хомъ твои҅мъ · и҅ їмъ ꙁа рѫкѫ ·
вь҆скрѣшаатъ глагол҄ꙙ · вь҆стани сь҆пꙙи҆ · и҅ въскрь҆-
сни о҅тъ мрь҆твꙑи҅хъ · и҅ о҅свѣти тꙙ х꙯с · а҅ꙁъ б꙯ъ твои҆
бꙑвꙑи тебе ради сꙑнъ твои҆ · нꙑнꙗ глагол҄ꙙ · и҅ по
о҅бласти повелѣваѧ сьвꙙꙁьн҄емь҆ · и҅ꙁидѣте · и҅ сѫ-
штии҅мъ вь҆ ть҆мѣ просвѣтите сꙙ · и҅ лежꙙштии҆-
мъ вь҆станѣте · тебѣ повелѣваѭ̑ вьстани сь҆пꙙи҆ ·
Не сего бо ради тꙙ сътворихъ · да въ а҅дѣ съвꙙꙁанъ е҅си ·
въскрьсни о҅тъ мрьтвꙑи҅хъ · а҅ꙁъ бо ѥ҅смъ животъ чло꙯-
вѣчь҆скꙑи҆ · въскрь҆сни съꙁь҆даниѥ҆ моѥ҆ · въскрь҆сни
ꙁраче мои · бꙑвꙑи по о҅браꙁоу моѥ҅моу · въстани
пои҅ди о҅тъсѫдоу · и҅ тꙑ бо о҅ мь҆нѣ и҅ а҅ꙁъ о҅ тебѣ · ѥ҅дꙿно
и҅ нераꙁдѣлимо ѥ҅свѣ тилиште · тебе ради богъ твои҆ ·
бꙑхъ сꙑнъ твои҆ · тебе ради господь сꙑ · приѧхъ о҅бра-
ꙁъ твои раба · тебе ради сꙑ прѣвꙑшь҆и небесъ· при-
дохъ на ꙁемьѭ̑ и҅ подъ ꙁемл҄еѭ̑ · тебе ради чловѣ-
ка · бꙑхъ ꙗ҅ко чловѣкъ бес помошти · свободь҆ и҅ въ
мрь҆твꙑи҅хъ · тебе ради и҅шъдъшааго о҅тъ врь҆то-
града · и҅ю̑деѡ̑мъ прѣданъ бꙑхъ о҅тъ врь҆та · и҅ въ врь-
тѣ осѫжденъ бꙑхъ · виждъ лица моѥго ꙁапл҄ь҆ва-
нь҆ꙗ · ꙗ҅же тебе ради приѧ҅хъ · да тебе о̑устроѭ̑ въ прь҆-
воѥ дъхновень҆ѥ ·виждь҆ ми ланитама о̑ударань҆ꙗ ·
ꙗ҅же приѧхъ · да тебѣ раꙁвраштенꙑи ꙁракъ · и҅спра-
вь҆ѭ̑ въ прь҆вꙑи҆ о҅браꙁъ ⁘
Виждъ ми плештьма ранꙑ · ѧ҅же приѧ҅хъ · да раꙁме-
таѭ̑ твои҅хъ грѣхъ брѣмꙙ · лежꙙштеѥ҆ на плештоу
твоѥ҅ю̑ · виждъ мои пригвожденѣи рѫцѣ · и҅же про-
сть҆рѣхъ на дрѣвѣ добрѣ · тебе ради прость҆рь҆шааго꙯
на дрѣво рѫцѣ ꙁьлѣ · виждъ мои пригвожденѣи҆ и҅
прибь҆ѥ҅нѣ на дрѣвѣ ноꙁѣ твоѥ҅ю̑ ради ногоу · текъ-
шоу къ дрѣвоу ꙁь҆лѣ въ шестꙑи дь҆нь҆ · твоѥ о҅сѫжде-
нь҆ѥ бꙑстъ вь҆ шестꙑи҆ дь҆нь҆ · и҅ твоѥ посѫждениѥ҆ и҅
раю̑ о҅тврь҆стиѥ҆ сътворихъ · въкоусихъ тебе ради ꙁль-
чи · да и҅сцѣл҄ѫ тебе · сь҆нѣди о҅ноѧ сладъкꙑѧ҆ горь҆кѫ-
ѭ̑ сласть · въкоусихъ о҅ць҆та · да раꙁорѫ твоѥ҅ѧ҆ сь҆мрь҆-
ти · о҅цьть҆нѫѭ̑ и҅ лютѫѭ̑ чашѫ · и҅ приѧ҅хъ гѫбѫ · да
о҅тъмꙑѭ̑ рѫкописаньѥ҆ твоѥ҅го грѣха · приѧ҅хъ и҅
трь҆сть҆ · да напишѫ свободѫ родоу чловѣчь҆скоуꙋ̑-
моу · о̑уснѫхъ на крь҆стѣ · и҅ копь҆ѥмъ прободенъ
бꙑхъ вь ребра · тебе ради о̑уснѫвъшаꙿго въ раи · и҅ е҅-
угѫ о҅тъ ребра и҅ꙁведъша · моѥ ребро и҅цѣлило ѥ҅стъ ·
болѣꙁнь твоѥ҅го ребра · мои сънъ и҅ꙁведетъ тꙙ о҅тъ
съмрьть҆нааго съна · моѥ копиѥ о̑уставило ѥ҅стъ ·
о҅браштаѭ̑штее сꙙ на тꙙ копьѥ · тѣмже въстані
пои҅ди о҅тъсѫдоу · иꙁведохъ тꙙ о҅тъ ꙁемь҆ѧ раи҅скꙑ-
ѧ · о̑устраꙗ҅ѭ̑ тꙙ о̑уже въ раи҆ · нъ на небесъскꙑи прѣ-
сто · въꙁбранихъ ти дрѣва животънааго о҅браꙁа ·
нъ се а҅ꙁъ вь҆сь҆ животѣ причꙙстихъ ти сꙙ · повелѣ-
хъ херовимомъ рабъскꙑ стрѣшти тꙙ · сътворѫ
херовимъ покланꙗти ти сꙙ · съкрꙑлъ сꙙ ѥ҅си о҅тъ
б꙯а ꙗ҅ко нагъ · нъ се съкрꙑлъ ѥ҅си вь҆ себѣ б꙯а нага · о҅-
бль҆клъ сꙙ ѥ҅си въ срамь҆нѫѭ̑ кожь҆нѫѭ̑ риꙁѫ · нъ
о҅блѣкохъ сꙙ б꙯ъ пльти твоѥ҅ѧ҆ · въ кожьнѫѭ̑ ри-
ꙁѫ · тѣмꙿже вь҆станѣте пои҅дѣте о҅тъсѫдоу · о҅тꙿ
и҅сть҆лѣнь҆ꙗ вь҆ неи҅сть҆лѣнь҆ѥ · о҅тъ съмрь҆ти въ
животъ · вь҆станѣте пои҅дѣте о҅тъсѫдоу · о҅тъ тꙿ-
мꙑ вь вѣчьнꙑи свѣтъ · въстанѣте и҅дѣте о҅тъ-
сѫдоу · о҅тъ страсти вь веселиѥ҆ · въстанѣте и҅дѣ-
те о҅тъсѫдоу · о҅тъ работꙑ въ своботѫ · о҅тъ ть҆мни-
цꙙ въ вꙑшн҄ии и҅ероусалимъ · о҅тъ ѫ҅ꙁꙑ къ богоу ·
о҅тъ болѣꙁни на раи҅скѫѭ пиштѫ · о҅тъ ꙁемь҆ѧ на
небо · на се бо о̑умрѣхъ и҅ въскръснѫхъ · да и҅ живꙑ-
и҅ми и҅ мрьтвꙑи҅ми о҅бладаѭ̑ · тѣмже вь҆станѣте
пои҅дѣте · о҅ть҆ць҆ бо небесъскꙑи҆ погꙑбъшꙙѧ жиде-
тъ о҅вцꙙ · девꙙть҆ десꙙтꙑѧ и҅ девꙙть҆ · а҅гг҄ельскꙑ-
ѧ҆ о҅вь҆цꙙ · клеврѣта жидѫтъ а҅дама · къгда вь҆скрꙿ-
снетъ къгда вь҆ꙁидетъ и҅ къ богоу въꙁвратитъ сꙙ ·
херовимъскꙑи прѣстолъ о̑уготовилъ сꙙ ѥ҅стъ ·
въꙁносꙙштеи ѧ҅дри · и҅наче готови · трепеꙁа о̑уго-
това сꙙ · брашна готова · вѣчнии крови и҅ жилишта ·
съкровишта благꙑи҅хъ о҅твръꙁошꙙ сꙙ · небесь҆ско-
ѥ ц꙯рьство прѣжде вѣкъ о̑уготови сꙙ · и҅хже о҅ко не
видѣ и҅ о̑ухо не слꙑша · благꙑи҅хъ · и҅ на срь҆дце чло-
вѣкоу не вь҆ꙁидошꙙ · чловѣка жидѫтъ · си же и҅ по-
добьнаа симъ г꙯оу глагол҄ѫштоу · въскръсаѥ҅тъ с н҄и-
мъ сꙑи҆ вь҆ н҄емь҆ · вь҆коупѣ а҅дамъ · и҅ вьскрѣшаѥ҅тъ
с н҄имъ ѥ҅гда нъ і многаꙗ тѣлеса · о̑умь҆ръшии҅хъ
о҅тъ вѣка с꙯тꙑихъ · вь҆скрь҆сѫ проповѣдаѭ̑штꙙ ·
тридневноѥ г꙯не вь҆скрь҆сениѥ҆ · ѥ҅же свѣтло прии҅-
мѣмъ · и҅ видимъ и҅ о҅бь҆мѣмъ҆ · съ а҅гг҄елꙑ ликоу-
ѭ̑ште · съ а҅рхагг҄елꙑ праꙁдъноуѭ̑ште · вь҆коу-
пѣ и҅ славꙙште вь҆скрѣшь҆шааго нꙑ · о҅тъ и҅сть҆лѣ-
ниꙗ х꙯са · ѥ҅моуже слава и҅ дрь҆жава · съ беꙁначꙙ-
лънꙑи҅мъ о꙯҅цмъ · и҅ прѣсвꙙтꙑи҅мъ и҅ животво-
рꙙштиимъ д꙯хомь҆ нꙑнꙗ и присно и҅ вь҆ вѣкꙑ
вѣкомъ · а҅мин ⁘

Other versions and facsimiles[edit]

Retrieved from "https://en.wiktionary.org/w/index.php?title=User:Vorziblix/Pseudo-Epiphanius_-_Old_Slavonic_Homily_on_the_Burial_of_the_Divine_Body&oldid=65852893"